ДГПТУ АРС-ИНЖЕНЕРИНГ ДООЕЛ

За нас

/ 01

Кои сме ние

Проектирање, надзор, ревизија, изведба и инвестирање

Задоволство ни е што можеме за миг да бидеме дел од вашето опкружување и ваши домаќини при посетата на нашиот портал. На овој начин ја користиме можноста да ја презентираме работата на АРС-ИНЖЕНЕРИНГ, а воедно и да ја оправдаме довербата на многуте наши клиенти и бизнис партнери.

ДГ АРС-ИНЖЕНЕРИНГ е основано во 1994 година, повеќе од 30 години активни на пазарот и за сиве овие години успеавме да опстоиме и да ги надминеме сите превирања, кризи и реформи. Основната водечка сила за да опстанеме и притоа да го развиваме бизнисот е неизмерната посветеност, професионализам и љубов кон работата. Нашиот тим се труди да биде во чекор со најновите светски трендови, а притоа да се прилагоди кон условите што се нудат на нашиот пазар.

Работиме тимски, работиме професионално и безрезервно. Се стремиме кон повисоки подвизи и секојдневни предизвици, а за сето тоа вложуваме во своето знаење и надградба. Ви стоиме на располагање заедно да ги реализираме вашите соништа.

Работиме комплетен лиценциран инженеринг. Проектирање, надзор, ревизија, изведба и инвестирање во недвижности се дел од секојдневните работни ангажмани на тимот на АРС-ИНЖЕНЕРИН

АРС-ИНЖЕНЕРИНГ е лиценцирана компанија за вршење на енергетска контрoла на објекти и издавање на енергетски пасоши на истите. Сметаме дека енергетската ефикасност е клучен услов за здрав развој на општеството. Со изградба на енергетски ефикасни објекти ставаме акцент на подигање на свеста за заштита на животната средина и намалување на емисија на СО2. Со концептот за проектирање и изградба на објекти со подобрени енергетски карактеристики се намалува потребната количина на енергија за греење, ладење, осветлување итн, а притоа условите на комфор во домувањето се на високо ниво. Преку нашите проекти и реализирани објекти се запишуваме во историјата, а воедно учествуваме во градењето на иднината. Со задоволство би сакале и вие да бидете дел од нашите клиенти и соработици.

/ 02

НЕДВИЖНОСТИ

Повеќе од 30 години активна работа

Повеќе од 30 години активно работиме и ги нудиме услугите на нашиот пазар. Досега имаме инвестирано/соинвестирано во изградба на над 30000 m2 станбен и деловен простор со пропратни елементи на повеќе атрактивни локации во Куманово. Водилка за успех во изминатите долги години е синтеза на квалитет, сигурност, професионално и посветено работење. Низ годините ги следиме најновите трендови и ги применуваме во пракса.

Нашите објекти од темел до кров се карактеризираат со:

Високи геомеханички карактеристики на подлога за темелење, секогаш проверени и потврдени од акредитирана институција

Комплетно проектирани и изведени асеизмички објекти под влијание од сеизмичка сила со ред големина автентична за IX степен на сеизмичност по MCS, иако објектите се наоѓаат во подрачје со максимален интензитет од VIII степени по MCS, податок добиен врз основа на посебни истражувања, а прикажан на Сеизмотектонска мапа на макимален интензитет на територијата на РМ, проверени и потврдени од ИЗИИС

Вградени атестирани материјали со проверени и потврдени јакосни карактеристики во акредитирани лаборатории

Ѕидани со термоизолациони блокови

Термоизолациони контактни фасади

Енергетски ефикасни објекти

Намалена потрошувачка на енергија

Намалена емисија на СО2 во воздухот, заштита на животната средина

PVC столарија од Германско потекло

Ролетни на прозорците

Дрвена подна облога на претходно звучно и термички изолирана меѓукатна конструкција

Комфорни и удобни ентериерни решенија

Комплетно опремени бањи со квалитетна санитарија и керамика

Кујни со засебни вентилациони канали

Вградени системи за природно вентилирање на секоја просторија

Ходнични и скалишни простории во сите станбени згради се завршно обложени со мермер

Подземно и надземно паркирање во сите објекти со примена на современи модерни системи со сигнализација и далечинско управување

Комплетно решени инсталации со приклучоци за телевизија, интернет, телефонија, аудио/видео надзор со бакарни и оптички кабли

Партерно уредени и оградени површини